Fossálar

IS Fossalar

Staðsetning
Fossálar eru í Skaftárhreppi í V-Skaftafellssýslu um 15 km austan við Kirkjubæjarklaustur. Fossálar falla til Skaftár austast á Síðunni. Fossálar er nokkuð vatnsmikil á sem á upptök sín sunnan undir Miklafelli á Austur-Síðuafrétti í um 550-600 m h. y. s.

Leiðarlýsing að húsi
Ekinn er þjóðvegur 1 sem leið liggur yfir brúna yfir Fossálana og tekinn fyrsti vegslóði til hægri af þjóðvegi 1 í gegnum merkt hlið. Þar er slóðanum fylgt, sem er vel merktur þar til að húsinu kemur.

Veiðihús
Mjög gott veiðihús er við ána og er aðstaða þar eins og best verður á kosið. Húsið er staðsett við hraunjaðarinn við syðri-Ál í ákaflega fallegu umhverfi, en náttúrufegurð svæðisins er einstök.
Húsið er rafvætt og í því eru tvö þriggja manna herbergi (kojur) setuaðstaða, sturta, eldhúskrókur með ísskáp, eldavél og kælikistu.
Gasgrill er á staðnum.
Veiðimenn leggja sjálfir til sængur, sængurfatnað, tuskur og viskustykki.
Veiðimenn mega koma í veiðihúsið einni klukkustund áður en veiði hefst og skulu rýma húsið klukkan 14 brottfarardag.
Umgengni dvalargesta hefur verið með ágætum bæði í húsinu og umhverfi þess og er öllum hlutaðeigandi til sóma.
Veiðimönnum ber að þrífa húsið fyrir brottför og fjarlægja rusl.

Veiðisvæðið
Veiðisvæðið nær frá landamærum gegnt Orrustuhól, rétt ofan gömlu þjóðvegarbrúarinnar og til merkja á Brunasandi þar sem veiðisvæði Vatnamóta tekur við. Syðri-Áll er einnig með þessu svæði og eru upptök hans við hraunbrúnina, hjá veiðihúsinu og sameinast Fossálum á Brunasandi. Rétt er að veita því svæði nokkra athygli því þar er oft ágæt veiði þó svo það láti lítið yfir sér. Veiðin er bleikja fyrri hluta sumars, sjóbirtingur er líða tekur á haustið. Hægt er að aka um neðri veiðistaði árinnar

Veiðitilhögun
Veiðitímabil er frá 20. júní – 18. okt.
Veitt er með þremur veiðistöngum allan veiðitímann.
Leigt er út húsið fjóra daga í senn yfir sumartímann sem stendur frá 20.júní til 7. ágúst.
Eftir 7 ágúst er veitt í tvo stangardaga með skiptingu á miðjum degi.

Daglegur veiðitími:
20. júní til 14. ágúst frá kl 7-13 og 16-22
14. ágúst til 18. okt frá kl 7-13 og 15-21

 Leyfilegt er að nota flugu, spón og maðk.

Seld eru leyfi til 18. október þar sem leyfi fékkst fyrir framlengingu, (10. okt.-18. okt.), síðasta ár, ef einhverra hluta vegna framlenging verði ekki heimiluð verða þau veiðileyfi sem seld eru þann tíma endurgreidd. Einnig er rétt að vekja athygli á því að einnig gæti orðið um veiðitakmarkanir á einhvern hátt að ræða í framlengingu t.d. eingöngu veitt á flugu og jafnvel sleppiskyldu á veiddum fiski.


Ódýr gisting og veiðileyfi
Leigt er út húsið fjóra daga í senn yfir sumartímann sem stendur frá 20.júní til 7. ágúst ásamt þremur stöngum.
Hvert holl kostar 26.400 krónur.

Fossalar1 Fossalar2 Fossalar3
Fossbud2013 FossbudStofa FossbudEldhus

 

 

Share