Hrolleifsdalsá

StaðsetningIS Hrolleifsdalsa

Áin fellur í austanverðan Skagafjörð um 18 km. norðan Hofsóss  rétt sunnan við kirkjustaðinn Fell í Sléttuhlíð. Þar bjó forðum galdraklerkurinn Hálfdán á Felli.  Þetta skemmtilega veiðisvæði býður upp á mjög fallega sjóbleikju, urriða og laxavon.  Húsið er staðsett ofan vegar í landi Tjarna. Ekinn er þjóðvegur nr. 76 að bænum Tjarnir og þar tekin hægri beygja inn á slóða sem liggur að veiðihúsi..

 

Veiðitilhögun

Veiðitímabil er frá 20. júní – 20. sept. 
Veitt er í tvo stangardaga frá hádegi til hádegis og veitt er með þremur veiðistöngum allan veiðitímann. 
Daglegur veiðitími:
20. júní til 14. ágúst frá kl 7-13 og 16-22
14. ágúst til 18. okt frá kl 7-13 og 15-21 
Leyfilegt er að nota flugu, spón og maðk frá ósi og að brúnni á Siglufjarðarvegi. Þar fyrir ofan er spónn ekki leyfður. 
Hægt er að aka um neðri veiðistaði árinnar en til að komast fram á dal þarf að nota tvo  jafnfljóta.

Veiðihús:

Ágætis veiðihús er við ána. Húsið er  með tveimur tveggja manna herbergjum auk svefnlofts. Einnig er góður svefnsófi á staðnum. Þá er einnig heitt vatn ásamt sturtu. Húsið er rafvætt og helstu tæki eru til staðar, svo sem eldavél, ísskápur, kaffivél, brauðrist ofl. Gasgrill er á staðnum.
Veiðimenn mega koma í veiðihúsið einni klukkustund áður en veiði hefst og skulu rýma húsið klukkan 14 brottfarardag.

Veiðimönnum ber að þrífa húsið fyrir brottför og fjarlægja rusl.

Veiðimenn leggja sjálfir til sængur, sængurfatnað, tuskur og viskustykki.

 

Share