Fyrirhuguð er vinnuferð norður að Vesturhópsvatni og óskar félagið eftir öllum mögulegum höndum til að m.a. bera á húsin, ljúka smíði á pallinum og ýmislegt fleira.  Ætlunin er að fara norður helgina 4.-6. maí og eru áhugasamir beðnir um að hafa samband á skrifstofuna eða í tölvupósti á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

Við fengum sendar myndir af stöðunni eins og hún er í dag fyrir norðan og er óhætt að segja að það sé komin „Hollywood“ svipur á húsin.

Eins og við höfum áður sagt frá þá ganga framkvæmdir á húsunum vel fyrir norðan. Varaformaður félagsins Óskar Færseth gerði sér ferð á staðinn um síðustu helgi  og smellti af nokkrum myndum. Greinilegt að rífandi gangur er á verkinu og eru húsin farin að taka á sig nokkuð góða mynd.

Fundarboð aðalfundar sem birt var í félagsblaði SVFK hefur verið ógilt þar sem fundinum hefur verið frestað og birtum við því hér nýtt aðalfundarboð.

Aðalfundarboð.

Hér með er boðað til 53. aðalfundar Stangveiðifélags Keflavíkur.

Fundurinn verður haldinn í húsnæði félagsins að Hafnargötu 15
efri hæð, fimmtudaginn 31. maí 2012 og hefst hann kl. 20.00 stundvíslega.

Á dagskrá eru venjuleg aðalfundarstörf.
Kaffi veitingar í fundarhléi.

Félagar eru hvattir til að mæta og sýna styrk félagsins.

Stjórnin.

Eins og áður hefur komið fram þá eru „Heiðarvatnshúsin“ komin á staðsetningu fyrir norðan og er það Björn Bjarnason byggingameistari sem hefur verið ráðinn til verksins og mun hann hafa yfirumsjón með verkinu. Breytt fyrirkomulag verður í húsunum frá því sem áður var. Verða þau samliggjandi en alveg aðskilin með sitthvorum innganginum. Í tengibyggingunni sem er langt á veg komin verður komið fyrir salernum með sturtuaðstöðu en fyrir þá sem þekktu til gömlu húsanna þá var tengibyggingin sameiginleg með einum inngangi. Salernin voru inní húsunum og engin sturtaðstaða var fyrir hendi. Þá verður allt innréttað uppá nýtt í hólf og gólf. Sama verður uppá teningnum að utanverðu þ.e. nýjar klæðningar, gluggar og hurðir. Pallur settur upp sem nær hringinn í kringum húsin þá verður einnig hugsað fyrir því að á lóðinni verði hægt að leggja tjaldvögnum og fellihýsum ef margmenni er í húsunum og/eða gesti ber að garði. Einnig má nefna það að rafmagn er komið að húsunum og munu Nesraf rafverktakar sjá um alla raflagnavinnu í húsunum. Emil Birgir Hallgrímsson verfræðingur hefur svo séð um alla teikningarvinnu.

Eins og sjá má á eftirfarandi myndum, sem hann Björn tók fyrir okkur, þá gengur verkið vel.